【曾下身癱瘓】吳京歷生死：可以領殘疾證

內地藝人吳京憑兩套電影《戰狼2》同埋《流浪地球》，獲封為百億票房男星，風光背後喺一身傷痕！佢出席一個座談會時，被問及成日受傷點樣可以撐落去繼續拍戲？佢就話自己喺武術隊出身，身體流住「武打」嘅血，清楚只要你想繼續落去，就要用意志克服痛楚，佢仲分享經歷：「我下半身癱瘓過，你癱瘓過嗎？我現在可以領殘疾證，你領嗎？我經歷過生死，你有嗎？」認為受咗傷就應該坦然去面對，然後努力克服，令到自己變得更加強壯，再將呢啲傷痕轉化成未來人生嘅經驗。