珍妮花羅倫絲約埋Adele落基吧玩到擘晒髀

奧斯卡金像影后珍妮花羅倫絲（Jennifer Lawrence）出名貪玩，佢上星期五晚就約咗英國樂壇巨肺Adele一齊落紐約一間同志酒吧夜蒲！

佢哋一邊睇人妖騷一邊玩，歌影兩大巨星駕到，即惹來全場哄動，紛紛拍照拍片放上網。佢哋在夜店玩Musical shots飲酒遊戲，Adele被夜店的易服主持問到：「3號嘅參賽者，你嘅名係？」佢即答：「我叫Adele。」再問佢以咩維生？Adele就回答：「查實喺呢個moment，我係湊仔嘅家庭主婦。」當Adele在遊戲中輸咗之後，飲到high high嘅珍妮花即推低Adele並問：「你點可以輸架？」到珍妮花贏番之後，向來爛口的Adele大嗌：「你訂X咗婚，你唔應該喺度！」