RubberBand首開澳門騷　6號晒Full Power

樂隊RubberBand（RB）去年在港舉行《RubberBand Hours音樂會》，今年再下一城，跳出香港，在澳門舉行澳門站騷，是為首個澳門騷，製作團隊更特別窩心，將主色由紅色換上澳門區旗的綠色，令澳門粉絲增添親切感，一開場樂隊唱出《脫軌時刻》時，全場觀眾起身起舞跟住唱，本身生於澳門的主音6號說：「呢個係好重要嘅一日，因為首次將自己嘅音樂會帶離開香港，嚟到一個新嘅地方，仲要係我自己出生嘅地方。上次喺氹仔參與Band Show但係抱恙，但今日我Full Power，必定唱爆。」

由於佔主場之利，6號跟結他手阿正和Bass手阿偉，頻頻走到台下與觀眾互動。RB的歌曲原來與澳門有着絲絲緊扣的關係，例如《那一端》其實隱藏着很多葡文，令人聯想到澳門的街道名字；《豬籠墟事變》則是他小時候與媽媽到關閘街市買餸的經歷等。RB的音樂從來感動人心，但今次卻是樂隊被台下的觀眾所感動，當唱到《我是樂隊》時，台下觀眾舉起手機燈的溫馨場面，令6號感動得眼濕濕，他更有感而發哽咽感觸道：「舊年RB有一首歌關於人生相聚，我哋呢個團隊亦見證住身邊有人做爸爸，囡囡出生，亦有人走開咗，但其實我哋最後都會未來相見。」接着樂隊便唱出去年大熱作品《未來見》，全場大合唱的場面，令歌曲也變得溫馨起來。

是次，跟香港騷一樣，請來歌手小肥當和音外，還合唱了《天台飛人》一曲，6號與小肥更自爆開騷當日1早上，特地走到官也街興記咖啡室吃早餐，十分貼地。在演唱會尾聲，RB特別為小肥送上驚喜，唱出對方的經典作品《時光機》，殺小肥一個措手不及，小肥忍不住大嗌：「有呢Part嘅咩？玩咩呀？你哋夾好晒嘅！」6號還說要當對方的和音，結果二人再度對唱，成為全晚的高潮，之後鼓手泥鯭歌癮大發走到台前與6號一起合唱《Simple Love Song》後，完滿結束。

騷後6號說：「小肥太好，連續香港和澳門站都幫我哋做和音，我哋好想送番份禮物畀佢，所以趁佢有工作嚟唔到綵排嘅時候，我哋偷偷練咗佢首歌，呢首係我最喜愛小肥嘅歌。」小肥感動稱，當時在台上一片茫然，他說：「我知大家有心，其實RB先係主角，感覺有啲喧賓奪主，有啲尷尬但同時亦好感動！」