廣州巡唱遇粉絲求婚　陳柏宇唱情歌助興

歌手陳柏宇（Jason）昨晚在廣州中山紀念堂舉行巡迴演唱會，全場爆滿！期間有觀眾要求Jason除衫，Jason笑言衫內有衫，又自嘲身形有變，向觀眾笑言：「你哋嘅目的係唔會達到㗎！」然後大晒麒麟臂，粉絲隨即報以熱烈的尖叫聲歡迎。

他透露與女兒Abigail分隔兩地，指只得半歲大的Abigail至今已搭了5次飛機，可能是「本年度最飛得嘅小朋友」，又笑言女兒將來可能做空姐。當他看到台下有粉絲拿着「Abi老竇」的燈牌時，即表示很喜歡，另外他又很喜歡一個寫上「陳廣偉（Jason原名）勁靚仔」的燈牌，他之後謙稱自己只是「靚仔嘅程度係恰到好處」，引得全場大笑！

在演唱會上，有女歌迷想借機向男朋友求婚。Jason得知後大為歡喜，更自爆當年與太太符曉薇求婚事，他說：「大家學吓嘢啦！當年我同佢一早決定咗要結婚，佢叫我向佢求婚喎，我話『好，一人一次』，依家有埋人辦，今次我老婆走唔甩喇，哈哈！」其後他邀請樂手伴奏，唱歌為一對小情人增添氣氛。到嘉賓葉巧琳（Mischa）上台時，他仍以「女向男求婚」這件事來問Mischa，笑問她會否向男友求婚。

另外，他又向昨日生日的粉絲講生日快樂，又指有歌迷希望借他的口，鼓勵一位感到不開心的朋友。Jason說：「唔開心嘅我哋要捱過佢，方法有好多種，亦有好多選擇，但傷害自己嘅方法唔可以揀，會傷到自己同朋友，希望唔開心嘅朋友可以盡快捱過呢個黑暗時期，盡量搵多啲朋友傾訴，唔好迫自己埋角落。加油，我支持你！」獲全場觀眾掌聲支持。