介紹對象畀Selina？Hebe慨嘆：自身難保

台灣女歌手田馥甄（Hebe）日前出席酒類品牌活動，講到佢就快36歲生日，佢就話生日願望係為環保熄燈一小時︰「希望地球溫度不要再升高了。」然後仲話想將願望留畀好姊妹任家萱（Selina）︰「希望她能找到疼愛她的人﹗最近她演出一個戀愛實境節目，我是忠實粉絲！」仲大爆Selina要身邊朋友幫手介紹對象，Hebe笑言：「我都自身難保了，怎麼還幫她介紹啊！」問到Hebe對Selina於真人騷節目入面嘅對象張軒睿嘅評價，佢奸笑話︰「我不方便多說，我是個嘴巴很緊的人，先讓他們喝一下微醺聊天，培養感情。」果然相當口密！

連續做品牌代言人7年嘅Hebe笑話酒量愈來愈好，但通常飲酒都係會姊妹去屋企飲，曾經試過醉到連飲水都會嘔，睇嚟Hebe嗰次都飲唔少﹗佢又自爆有次飲完太High，自己喺屋企跳咗成晚舞，最後仲「斷片」，第二日成身肌肉痠痛。爆料爆開有條癮嘅Hebe再爆去年成立自家工作室後，就一直喺屋企酒不離口︰「他們要Call我都Call不出去，年假只想無止盡休假，但歌迷不斷催促新專輯進度，讓我不太敢出國休息，不過也保證不了今年一定會出﹗」不過Hebe都有講笑話埋生日就會「甦醒」，唔少粉絲都希望佢盡快有新碟嘅好消息﹗