有錢途!麥明詩做老闆捧父母做KOL

20190325
東網電視
更多新聞短片
叻女!
藝人麥明詩(Louisa)出席戒煙活動,她稱從來沒有吸過煙,加上父母管教嚴謹,就算當年到外國讀書都沒有被引誘:「好多人細個覺得食煙好型,但我偏反傳統,唔鍾意隨波逐流,因為咁先至唔型。」她自言擇偶條件都要對方不吸煙,又指曾有一位男仔想追她,她亦要對方戒煙後才追她,最後對方成功戒煙,亦做了她男朋友。
問到會否接受男士飲酒、賭錢?她坦言:「最抗拒都係食煙,奉勸各位女士不要相信男士說拍拖後會戒嘅藉口,因為男生追你時決心係最強,追到手就唔會戒。」問到會否接受女性朋友食煙?她表示朋友會盡量遷就她,如果對方食煙,她會遠離對方,又坦言自己不食煙是因為患哮喘。
另外,談到麥爸爸日前生辰,Louisa透露與哥哥夾份送了一部電腦做禮物,她謂:「因為爸爸就嚟退休,我想捧紅他做KOL,可以喺網上教化學,殺出一條血路,連帶媽咪亦已喺網上都有知名度,到時我做佢哋嘅老闆出糧畀佢哋!」
----------------------------
東網巨星開咗ig喇,大家快啲follow啦!