為慈善頂硬上　周瑋瑩幫大會狂攞贊助

名媛周瑋瑩周日（24日）以香港保護兒童會籌款委員會身份出席慈善步行「童」樂日，為有需要的兒童及家庭籌款，當日氣溫只有十幾度，她說：「原本好擔心，因為天氣報告話會落雨，好彩行完一滴雨都冇，只係天陰陰，不過近海，確係有啲涼，但唔算好凍，我都夠晒準備，嗰日有其他跑隊，佢哋話天氣凍跑得仲開心啲。（你着得好單薄？）為咗慈善頂硬上，今次好開心，幫個會攞咗好多贊助，我仲攞咗鑽石贊助添！」