余德丞讚陳瀅好咀過陳嘉寶：朱唇軟熟！

藝人余德丞到電台宣傳劇集《福爾摩斯奶》，講到劇集迎來結局篇，他笑言還有一場戲會錫陳瀅：「就係NG咗8次嗰場。（點解拍咁多次？係咪要把握機會？）哈哈！角度問題，因為我又冇乜經驗（拍咀戲），有啲角度遮住咗佢。（你螢幕初吻？）唔係，第一次係錫陳嘉寶，第二、三次係陳瀅。」問到誰好咀啲？他笑言：「陳瀅好咀啲，個嘴軟熟啲，因為過程耐啲，可以感覺耐啲。（你驚唔驚粉絲唔鍾意你錫人？）唔會，佢哋好開放。（咁驚唔驚陳瀅嘅粉絲打你？）唔會啦，佢之前咀咁多個。」他又預告今個星期的劇情會變到好恐怖，角色會有轉變的地方，會令人睇到飲泣，而他睇劇本都睇到喊。

《鐵探》緊貼此劇後會播出，余德丞笑言觀眾又可以睇到他。問到可有多了工作？他表示：「都有嘅，但可以再多啲，反而好多人睇《香港原味道》，介紹番啲本土特色嘢同食物，會有好多人問我喺邊度買，有啲好耐冇見嘅親戚都有問我。」問到可會想進軍飲食業？他表示：「都想，我又鍾意食嘢，但做生意驚畀人呃，因為我比較單純，之前有人叫我夾份開餐廳，但我有好多嘢擔心。（即係想自己一個人做生意？）除非係一啲好熟嘅親戚或識咗好多年嘅同學同我夾。」