麥爸爸「登六」　麥明詩帶隊食好西

藝人麥明詩（Louisa）同父母感情要好，呢日係Louisa爸爸生日，正式登六！Louisa一家人齊齊去食西餐慶祝，見到Louisa同哥哥仲各自擺出「6」同「0」嘅手勢，Louisa爸爸亦好開心舉起V字，大家齊齊攬着合照，場面溫馨！Louisa留言：「老爸60歲大壽，特意帶他出去吃他最喜愛的西餐，切餅的時候老爸還厚顏無恥地說自己是25歲呢！」之前Louisa就講過爸爸生日，同哥哥夾份送咗部電腦畀佢，兩個仔女都咁抵錫，難怪麥爸爸笑得開懷呀！