被捲勝利醜聞 陳柏霖:我們是朋友

20190326
東網電視
更多新聞短片
陳柏霖表示同勝利係朋友!
台灣男星陳柏霖出席活動,講到韓國天團Big Bang前成員勝利有份營運嘅夜店接連爆出暴力及毒品交易,之後亦爆出佢旗下另一間夜店涉嫌逃稅等醜聞,點知有網民指早前佢同王大陸曾於今年1月到訪勝利夜店,令網民議論紛紛。
對於被捲入呢件事,佢話:「我們是朋友,他的行業或做甚麼,我是不清楚。」而佢早前亦喺社交網發文指「原諒無知,一個美麗世界,充滿着不負責任的評論。」疑似作出澄清,佢解釋:「沒有澄清。(跟他不是很熟?)我們是朋友,朋友!」隨即工作人員即護駕,叫大家問番活動相關事情。
另外,問到佢係咪好耐冇嚟香港,佢話其實上個月都有嚟出席「香港電影導演會」春茗,依家放假休息:「農曆新年前工作很忙,所以現在可以陪陪家人。(未來會拍甚麼?)現在正看幾個劇本,還沒有決定。但之前已經拍了一部電視劇,會在七月在內地播出,到時候會做宣傳。(有時間拍拖?)應該是吧。」問到有目標,佢即刻耍手擰頭話冇,仲搞笑話現場好熱。