你又睇唔睇到？《復4》晒冷新海報驚喜劇透

漫威（Marvel）終極晒冷作《復仇者聯盟4：終局之戰》（Avengers：Endgame）下月於港台率先上映，電影公司近日一口氣推出32張角色海報，靚爆之餘仲大送驚喜，證實於上集未有交代的一位超英已經出事，唔少粉絲勁眼利，即時於社交網瘋傳消息，你又睇唔睇到？

（劇透《復仇者聯盟3：無限之戰》（Avengers: Infinity War）及今集，慎入！）

《復仇者3》結尾「Thanos」集齊6粒「無限聖石」，彈一彈手指就成功將宇宙半數人口減半，不少超英包括「黑豹」、「蜘蛛俠」以及「星爵」等都即場化灰，不過劇情就未有交代「黑豹」個聰明妹妹「Shuri」生死，《復仇者4》早前推出的預告亦僅僅講到現存的超英將「Shuri」列作失蹤人口，生死未明。不過電影公司近日推出的32張海報就講出她命運！海報配合晒「Thanos」成日講滅世目的係要世界「完美平衡」，16位生還超英與16位已離世的要角分別以彩色及黑白版海報呈現，而當中粉絲就驚見「Shuri」現身黑白版海報，暗示她於上集堅已出事，引來網友於社交網熱議！

至於眾星亦有於社交網分享個人版海報，當中包括初代復仇者「鐵甲奇俠」羅拔唐尼（Robert Downey Jr.）及「變形俠醫」麥克韋化奴（Mark Ruffalo）等，與粉絲倒數北美映期一個月。