郭子豪涉醉駕　馬德鐘語重心長籲小心啲

曾與郭子豪合作無綫劇《跳躍生命線》的馬德鐘（Joe），對於郭子豪涉醉駕一事，Joe語重心長說：「要注意，小心啲，如果今次真係佢，佢要得到警醒，日後再做好啲，可以作為借鏡，我哋應該每樣嘢正面啲睇。」他說也見過郭子豪開工時開車，與對方合作拍《跳》時，讚對方好勤力：「佢有禮貌又勤力，大家見佢健身攞冠軍，證明係一個好有毅力嘅藝人。（佢酒精超標1倍？）其實真係唔知飲幾多飲幾耐，每個人體質唔一樣，酒精揮發快唔快，有時會唔知超標，當然揸車一定唔好飲。（佢自稱全晚冇揸車？）唔評論喇。」Joe希望子豪得到教訓，將來事業再好做些。

而同樣因為合作《跳躍生命線》而跟郭子豪成為老友的張彥博，對於郭子豪涉醉駕大感愕然，並擔心對方有否遇意外，他得悉郭子豪沒事後才鬆一口氣，謂：「人冇事，都安心啲。（佢涉醉駕？）等我了解吓先！（你平時有冇同佢出去飲嘢？）唔多，等我問清楚先。」

另外，有份演出《跳》劇的何廣沛就表示：「拍緊劇，冇留意新聞，唔清楚件事，所以唔回應住喇！」