同莊思敏做生意冇下文!王子涵大爆原因

2019年03月27日 14:36
東網電視
更多新聞短片
王子涵同莊思敏(右一)兩年前夾份做生意。

藝人王子涵出席火鍋店開幕活動,問到可有份投資?她笑言:「冇啦,邊有錢!(爸爸王晶有嘛。)佢還佢,我還我。(有冇興趣做生意?)遲啲呀!我都想做飲食或時裝生意。」講到她之前與莊思敏夾份做運動服生意,她坦言已擱置生意:「因為莊思敏好忙,我又唔識處理生意,所以我睇佢頭。(有冇蝕咗?)又冇,因為佢投資多過我,我跟佢學嘢。(生意有冇蝕?)因為好多嘢未ready,所以好多嘢都係擺住先,好多嘢未推出,未行到。」她坦言生意是兩年前搞的,曾做過半年,是一間網店,沒有實體鋪,所以比較小負擔。

問她投資了幾多錢?她表示:「6位數字,係自己啲私己錢,但依家啲貨就擺住喺個倉度先。(啲款唔會過時?)運動服飾冇咁季節性。」她亦謂應該會遲些再打理生意,並希望是下年的事。問到她與莊思敏是不是因為關係有變而不合作做生意?她笑言:「唔係,我哋不知幾friend。」至於工作方面,她表示現時拍緊《唐人街》。