拍旅遊節目要老公批 翠如報喜屋企添新成員

20190327
東網電視
更多新聞短片
黃翠如(中)話嚟緊拍旅遊節目去嘅地方有一定危險性,所以老公蕭正楠(小圖)都未批准。
藝人黃翠如、連詩雅和馬貫東下午於電視城,為新劇《致所有愛過的人》拍攝醫院戲份,投入角色的他們心情沉重。
談到4月1日全劇煞科,翠如雀躍表示:「我想去揼吓骨,連詩雅話想行山,約咗嘅。(今次會休息長少少?)話6月再開劇,中間可能會拍旅遊節目,依家做緊資料搜集,會去啲好窮嘅地方,有一定危險性。(老公蕭正楠唔擔心?)佢未批准,但呢次節目帶出訊息好有意義。」
當記者問到是否需要恭喜她懷孕時,她即說:「冇呀!諗嚟諗去可能係我家姐尋晚生咗,我哋個名差一個字,所以引起誤會。(計劃幾時生?)我係冇計劃嘅人,當日結婚都冇啦,不如問吓連詩雅同馬貫東,佢哋喺劇裏面好有計劃,結婚生埋B。」她指昨晚因開工關係,未能往醫院探望胞姐:「佢生咗個女,似姐夫多啲。(送大禮?)會,但未有時間買。」身旁連詩雅則笑指翠如有食雪榚,所以亦不信對方有孕。
----------------------------
東網巨星開咗ig喇,大家快啲follow啦!