馬國明冇得Say?黃心穎為自己設計性感婚紗

2019年03月28日 01:22
東網電視
更多新聞短片
黃心穎強調到結婚時會為自己設計性感婚紗,並暗示馬國明冇得Say!

藝人黃心穎、黃浩然和鄭希怡為《法證先鋒IV》開工,穿上婚紗LooK大騷事業線的心穎說:「呢場唔係我嫁,係陪人影婚紗相,但都着到似結婚咁。(有冇心郁郁想嫁?)因為着咗婚紗?咁又冇喎,之前都着過好多婚紗行騷,台慶嘅晚裝都好隆重,可能到我真正着婚紗都會揀啲好簡約嘅款。」她最擔心是很多新娘子試穿上婚紗後都會感動落淚,最怕屆時沒有這種感覺。

問到結婚時,另一伴可給予性感示人?她笑言:「到時你估佢仲有得Say咩,唔怕我反悔呀,但我都唔會揀性感嘅,都有諗過為自己設計婚紗。(設計得嚟差唔多?)再話你知啦!」

該劇即將拍畢,由於拍攝期長達半年,心穎不捨之餘亦有興奮,並已計劃煞科後出埠旅行。問去享受拍拖?心穎笑說:「佢(馬國明)忙緊夜更揸的士(正拍攝《降魔的2.0》),佢星期日朝早六點先收工,已經成個星期冇見佢。(到時你得閒就煲湯佢飲?)我呀?我買啲零食畀佢啦。(唔介意凌晨去探班?)唔介意,我都凌晨先瞓嘅。(拎湯畀佢飲?)我諗都係買多,都未發生,費事一陣話我貨不對辦。」