幸福好簡單 黃浩然最想每年影全家福

20190328
東網電視
更多新聞短片
心穎做乜搞成咁?
無綫藝員黃浩然和鄭希怡為《法證先鋒IV》拍攝ending一幕,他稱是大團圓開心場口謂:「戲入面嘅我、心穎、煒哥(陳煒)、李施嬅、譚俊彥、鄭俊弘、海俊傑無論感情生活同工作都係好圓滿嘅,套戲拍咗半年,都好唔捨得,希望今年內能夠推出。」講到穿禮服,他稱都會回想當日結婚時的情景,而他覺得通常穿禮服都是拍一些開心場面。
很多夫婦可能結婚十多年後都想再拍一次婚紗相作紀念,問黃浩然有否類似打算時他表示:「咁又冇咁諗喎,生活照就多啲,尤其影小朋友會多啲。(全家福?)以前阿仔讀幼稚園會每年影一次,其實都希望能一年影一次,將啲相放喺屋企到,所以,都爭取多啲同屋企人嘅時間,啱啱去咗台灣一星期,正係太太同大仔嘅生日,太太係3月25日,阿仔就3月22日,太太帶同兩個仔趁周五、六飛到台灣探班,順便慶祝,佢哋飛嚟都辛苦,不過能夠一家四口食餐飯係好幸福嘅事。」