唔係特技化妝!杜大偉假戲真打全身傷晒

20190328
東網電視
更多新聞短片
咩叫專業,呢啲咪係囉!
熱播劇《福爾摩師奶》搵嚟久未拍劇嘅陳松伶做主角,加上黃智賢、陳煒、陳瀅、余德丞等坐鎮,都擁唔少師奶劇迷追睇,而當中飾演混血兒羅拔嘅杜大偉,佢因為角色需要就戴上金髮及Color Con扮鬼鬼哋,都咪話唔有新意。不過向來專業嘅杜大偉,喺劇中有唔少動作場面,佢都堅持親身上陣,但原來佢打到周身傷晒,認真陰功。
佢喺社交網上載自己劇中嘅花絮照,見佢塊面、雙手等多處地方都有傷,爆晒缸咁,仲以為佢啲特技化妝咁真,點知另一張相佢雙手同心口原來真係打到左一撻右一撻瘀傷,,連佢自己都話:「作為一個專業演員,往往會為一場好戲而不惜付出代價,不過只要出來效果好的話,一切都會覺得值得嘅!」拍到一場好戲,演員打得甘,觀眾睇得開心,真係要有付出㗎!