涉醉駕後首現身!郭子豪哽咽認蠢自責

20190328
東網電視
更多新聞短片
郭子豪昨涉嫌醉酒駕駛被捕,今日如常開工。
藝人郭子豪27日凌晨涉嫌醉酒駕駛被捕,今日一早到清水灣繼續為無綫劇集《法證先鋒IV》開工。郭子豪受訪時哽咽,眼紅紅,不停講對唔住、認蠢、認錯,希望大家給予改過機會,又認為自己是反面教材,可提醒人不要酒後駕駛,顯得相當自責。
班主任用校歌教導要勇敢認錯
郭子豪由譚俊彦陪伴接受訪問,他指心情一定受事件影響,過去兩晚不停自責及反思,對事件感到非常後悔,整件事做得很錯,亦想趁機會多謝公司、朋友、傳媒、當晚的警務人員、醫護人員等講聲對唔住。自細在名校喇沙讀書的郭子豪透露班主任也有短訊以母校校歌勉勵提醒一番,他說:「佢用校歌提醒我,要勇敢企出嚟,承認自己嘅錯誤。」郭子豪又向阿媽認錯,自責有負栽培及沒有珍惜生命,他說:「希望阿媽唔好嬲我,對唔住,我知錯。」
自責沒有顧及「跳躍F4」形象
郭子豪再向無綫訓練班兩位老師道歉指有負他們的栽培,他說:「老師講過選擇做藝人,一踏出門口就係返工,過去三四年好努力工作,但係就疏忽咗檢點自己嘅生活。」他自責沒有顧及「跳躍F4」的形象,向成員何廣沛、羅天宇及張彥博致歉。
再三承諾會改過
郭子豪被問到可會少喝飲或戒酒?他說:「做呢行應酬飲兩杯難免,希望大家見諒,但係一定會注意,同埋小心啲,會兩樣嘢分開。」郭子豪再三承諾自己會改過,會以行動證明自己知錯並會改過,自言經一事長一智,會積極正面做好每一日,請大家給予機會,浪子回頭金不換,亦慶幸犯錯沒有人命傷亡,否則一切也太遲。
譚俊彥傍實見記者
譚俊彥則認為每個人包括自己也會做錯事,事件對他是一個警號,但並不是世界末日,作為男人肯承擔錯誤已經OK,他說:「我老竇成日同我講樂極忘形、樂極生悲,老竇上個禮拜先提醒我講飲咗酒就唔好揸車,雖然我敷衍應佢,但明白咁作為父母嘅擔心,爸爸細個嘅時候都試過醉酒打警司,佢成日都講呢件事係一個借鏡。」