施比受更有福？Cara自爆擅為伴侶提供高潮

英國「粗眉模」Cara Delevingne出名言行大膽，不時於訪問中大方剖白心底話，曾與男歌手Harry Styles傳緋聞又正與女星Ashley Benson拍拖的她毫不掩飾雙性戀取向，近日更於受訪時公開講房事！

Cara自言現時愛上床多過去夜店，不過就擅於為另一半提供高潮多過自己「接收」，她又表示性愛是野性的，認識的人入到房就變為另一種動物：「對於我嚟講係好有趣嘅，有啲人勁性感又同你調晒情，之後同佢哋發生關係佢哋就（變得）勁差勁。我反而鍾意嗰啲睇落勁拘謹嘅人，佢哋一入到房，你就會好驚訝：『咩話？簡直係一場徹底嘅改造咁！』」言談間似乎曾有不少「奇遇」，至於雙性戀的她講到床上經歷時又大方分享「男女大不同」的情況：「我總係對男人就好順從，永遠都係，但對女性嚟講我就相反，所以真係好奇怪！」Cara公開談情說性火速成為粉絲熱話，不少人於社交網轉載其訪問！