Kolor麥花臣騷門票3粒鐘賣晒

樂隊Kolor將於今年7月26日在旺角麥花臣場館舉行演唱會，雖然他們還未正式展開宣傳，但據知門票公開發售3小時內已經被搶購一空，令四子非常開心。

Kolor主音Sammy回覆東網說：「知道開賣3個鐘頭內賣晒，多謝大家嘅支持，到時同大家癲番晚，我知道有啲朋友買唔到飛，都好對唔住，希望下次喺個大啲場館再一齊玩。」他表示暫不能透露演唱會的內容，他說：「我只係知會唱歌、彈結他、夾吓Band。」除了有新歌，他們更會玩多少少以前比較少玩的歌，因為今次演唱會主題叫「最初」，帶大家去番以前Kolor好耐冇玩的歌，希望畀歌迷一個驚喜。