魏瓔珞上身！吳謹言奸招嚇走鹹濕強盜

宮廷劇《延禧攻略》去年熱爆，連帶劇中多位演員人氣急升，唔少人都希望可以原班底拍續集，再續前緣！雖然未有續集，不過日前幾位演員，包括「魏瓔珞」吳謹言、「明玉」姜梓新及「爾晴」蘇青等，就再次聚頭亮相大陸綜藝節目《王牌對王牌》，聯同大陸喜劇女星賈玲挑戰趣劇，實行大放笑彈！

一眾女星輪流試戲，考吓佢哋面對強盜劫財劫色時嘅反應，打頭陣嘅姜梓新一嚟就秒速入戲，見到強盜現身立即反客為主，連摑多巴嚇退對方，就連導演上前阻止，不過姜梓新一樣照摑，場面相當混亂！之後輪到蘇青，佢先嚟一招扮舊相識，上前攬攬即令強盜措手不及，再趁對方唔為意施以襲擊，認真估佢唔到！不過最勁都係吳謹言，佢埋位前表面上話唔會以暴易暴，但就默默戴上尖銳嘅金指甲，令強盜急急拒絕試戲，結果不動聲色就成功擊退強盜，認真犀利！

之後，導演安排三位女星同賈玲對戲，劇情講到賈玲病重，三位女星就化身小宮女，隨即為主子冚上棉胎，一張唔夠仲加夠三張，搞到賈玲標晒汗，相當搞笑！唔少網民都表示估唔到幾位女星都咁有喜劇天份，仲話下次可以搵「富察王后」秦嵐嚟玩埋一份添！

網民有話兒：

開心xxx朱莉：明玉真是個小可愛～我喜歡她

被老阿姨xxxxxx妹子：尤其是賈玲頭上水不停往下掉我真的笑噴了 哈哈

浩xx瑩：默契值滿分！！！

梅長xxx2014：山寨大王太可憐