忙到爆！譚凱琪冇再見陳凱琳B仔

藝人譚凱琪與呂晶晶現身會展睇展覽，譚凱琪表示最近忙於拍攝無綫新劇《降魔的2.0》，經常拍通宵，她說：「我嘅戲份多數係夜晚，辛苦在日夜顛倒，人哋夜晚嗰餐就係我嘅早餐，好似過緊歐洲時間，哈哈！（辛苦？會唔會唔慣？）唔辛苦，覺得幾好玩，呢個戲種第一次接觸，幾新鮮。」至於問到有否探望好姊妹陳凱琳及BB，她就表示：「之前探過一次，不過呢排大家都忙就冇再見，但睇番啲相都覺得BB大得好快。」

而呂晶晶表示現時主要照顧媽媽：「我係獨女，爸爸早幾年過身，媽媽喺杭州來港，依家大部分時間喺香港。」提到她在杭州投資物業，她坦言最近樓價上升：「有跌有升，呢排升番。（滿意？）都幾好，不過股票就有跌，好灰！」晶晶表示不時與媽媽周遊列國，早前到了日本和北歐旅行，享受小富婆生活。而談及亞視裁員，她表示都有留意，不過較少與舊同事聯絡，故不太清楚內情。