唔使開工都要見！黃智雯拉隊賀胡鴻鈞生日

歌手胡鴻鈞（Hubert）日前（27日）29歲生日，正忙於拍攝劇集《降魔的2.0》嘅佢，生日正日喺工作中度過，仲獲一大班工作人員為佢慶生。呢日同劇拍檔黃智雯（Mandy）雖然唔使開工，但依然搵埋何遠東嚟，齊齊為Hubert補祝生日，相當有心。

Mandy喺社交網晒出三人捧生日蛋糕合照，並留言：「唔係一定要開工拍劇先見嘅。胡紅專，享受最後一年2字頭啦。」而Hurbet亦有發文，笑指：「嘻嘻哈哈 講東講西 互相取笑 就這樣的過了一個下午」，Mandy則留言反寸佢：「多數你取笑人！」