激罕合體！王菲謝霆鋒拍拖出巡周街打招呼

藝人謝霆鋒與天后王菲愛得低調，二人自2014年復合後鮮有合體現身，講到對方時又言簡意賅，早前更有傳兩人手已分手，指霆鋒與去年底宣布離婚的內地女星楊冪有新戀情。當時霆鋒罕有親口闢謠，斬釘截鐵否認傳聞，直斥「黐線」，明言與王菲感情好好。

雖然佢哋拍拖都零舍神秘，不過各位支持「鋒菲」嘅粉絲們，你哋有眼福了，因為昨日就有網友晒出偶遇王菲和謝霆鋒的合照，二人一黑一白情侶裝上陣，王菲心情靚到周街同路人打招呼，親切到爆，而行佢前面嘅謝霆鋒亦笑晒口，果然喺愛人面前心都甜埋，咁樣拍拖出巡法，真係恨死隔籬呀！