一開波嗌加場　楊千嬅圓夢開巡唱全靠佢

歌手楊千嬅到廣州珠江新城海心沙，展開《MY BEAUTIFUL LIVE楊千嬅世界巡迴演唱會》，獲老公丁子高、父母等到場支持。全晚她換上多套服裝，一口氣連唱多首金曲後，她終於開口跟大家打招呼：「其實當自己充滿自信同力量嘅時候，係最脆弱、挫敗同冇安全感，我可以行到今日全靠心口一個勇字，有大無畏精神全靠有你哋嘅陪伴。」

接着千嬅換上紅色拖尾裙唱出新歌《穿越》，表示：「我開呢個演唱會係想同大家分享呢24年穿越嘅美麗人生。」之後她哽咽表示：「好開心，今日夢想成真，好激動點算，我等呢日好耐，多謝大家畀機會我。」之後她續謂：「本來諗咗好多嘢想講，但時間唔係好夠，得廿幾30首歌邊夠我唱，有冇得再唱多廿幾30首歌？係咪要加場？哈哈，總之今日好開心，多謝你哋同我一齊見證我夢想成真。」然後就唱出《最好的債》。

Encore環節，她換上黑色斜肩裙唱出《小星星》等曲，表示演唱會籌備了很久：「呢個演唱會一直喺我心入面，有啲一直支持我好耐嘅朋友，我未必有機會唱歌畀佢哋聽，好想有生之年可以去唔同城市開巡唱，見一啲未見過楊千嬅嘅人，可以唱歌畀佢哋聽，多謝你哋同我一齊揭開序幕，今日廣州係第一場。」她亦謂開這個演唱會是不容易的事，多謝父母，及身兼演唱會總監的老公：「多謝丁生鼓勵我，呢個演唱會我一直擺喺心好耐，覺得呢個夢好遠，有一日佢鼓勵我去做，佢話會諗辦法，所以我今日先可以嚟到呢度。」