林耀聲面前咀第二個　沙律：有啲興奮

藝人張沛樂（沙律）、黃頌明、謝珊珊主演的舞台劇《波音情人》將於四月尾公演，講述男主角一腳踏三船，而三位女友都是索爆空姐，偷食時發生的趣事。最近綵排正進行得如火如荼，首次演出舞台劇的沙律飾演日本空姐，她坦言心情緊張：「藉此可以鍛煉演技，因為我口齒唔係好伶俐，當初都有少少擔心背台詞部分，但排練完之後，我覺得都好快上手。」

她更透露在劇中會有兩大突破，除了扮演日本妹之外，更會跟兩位男主角有錫錫場面，她說：「之前拍戲都試過拍kiss戲，但今次要同兩個男主角都會有kiss場面，同埋我今次飾演日本妹，所以喺動作、姿態、語氣上都要好好摸索吓！」

至於問到男友林耀聲會不會撐場？她笑說：「佢話會嚟睇第一場演出，因為可以睇我之後點發揮。（當住佢面錫第二個，驚唔驚佢會呷醋？）唔驚，我有同佢講聲，佢都係個專業演員，相信佢會理解。反而有啲興奮，佢到時現場見到我同其他男人咀，好奇佢會咩反應！」