為善最樂！蘇永康率眾星合唱傳承百年歷史

歌手蘇永康（阿公）率領一眾同公司歌手，包括組合C AllStar成員梁釗峰、陳健安（On仔）、馮允謙、鄧小巧、黎曉陽、組合Nowhere Boys、黃淑蔓及蘇麗珊為《傳承博愛》錄音，雖然阿公近日忙於籌備六月的紅館演唱會，黃淑蔓也準備考DSE，蘇麗珊更是第一次入錄音室唱歌，不過阿公表示為善最樂，能夠傳承一百年，足證機構的宗旨和價值觀正確，他說：「希望可以集合我哋咁多把聲音，將呢份精神可以一直傳承下去。」

阿公又說：「其實今次我想將隻歌畀唔識中文嘅外國人聽，我一直覺得若你唔識嗰種語文而仍然被首歌感動，咁首歌就成功，而呢首歌我覺得做到。」

今次首歌由馮允謙作曲、梁釗峰填詞，釗峰說以往是自填自唱，所以很高興有這個新嘗試。而On仔亦十分喜歡今次的曲和詞，大讚歌詞有深度：「我起初唔知係釗峰寫，睇到歌詞後覺得好驚喜，因為歌詞寫得好有深度，正面得來又不落俗套，Melody亦好Positive，加上編曲好Modern，令到歌詞嘅悲傷感輕鬆咗。」