【麻疹肆虐】梁思浩戴口罩返電台開工
20190401
東網電視
更多新聞短片
梁思浩叫大家好好保護身體。
近日本港接連爆發麻疹個案，唔少人都非常擔心受感染，呢日藝人梁思浩就喺社交網上載兩張於網上電台做節目嘅開工照，相中見多位主持人都戴上口罩，梁思浩更留言指網台懷疑有人「中招」！佢提到：「請好好保護身體！當懷疑電台有人有麻疹症狀，首先要好好保護自己，然後叫佢做抗體測試！以防萬一！所以今天直播室全部都是幪面超人。」
東網就事件致電梁思浩助手何小姐，佢指思浩身體不適正在休息，至於問到網台懷疑有麻疹，佢表示：「唔係，佢意思係佢喺電台呼籲，現麻疹肆虐，大家要小心保護身體，以防麻疹。」
----------------------------
東網巨星開咗ig喇，大家快啲follow啦！