計劃周詳兼穩陣！毛舜筠自薦做保險代言

藝人毛舜筠（毛毛）以自願醫保大使身份出席活動，她表示向來重視健康，關注健康飲食及經常做運動，而且年年驗身，亦有購買保險。問她是否購買巨額人壽？她笑言：「足夠囉，令家人同小朋友唔需要擔心，唔怕一萬最怕萬一，我老公以前冇買保險，係同我結婚後先買，我幫佢買。我覺得喺香港，買醫療保險重要過買人壽，因為有事都唔需要排隊。小朋友一出世我就幫佢哋買醫療同教育基金，我係個計劃好周詳嘅人，形象又正面，搵我做保險代言啱！哈哈！」而提到今日是張國榮的死忌，問她有否掛念對方？毛毛稱在心中。

講到工作方面，毛毛透露其餅店將推出蝴蝶酥，並揚言是全港最好味的蝴蝶酥：「整個製作過程都好艱鉅，因為製作蝴蝶酥嘅環境同程序都好複雜，但最後都成功。（老公食過有咩評價？）佢話出嚟應該會好轟動，佢平時唔會講呢啲，之前畀佢試食曲奇餅，佢都只係話ok。（聽到好開心？）我知道會係咁。」