「家明表哥」 袁文傑難忘張國榮幫手扣鈕
20190401
東網電視
更多新聞短片
袁文傑一生難忘與哥哥合作。
今日係哥哥張國榮（Leslie）離世16周年，唔少藝人都有喺社交網發文悼念。藝人袁文傑同哥哥於1992年嘅電影《家有囍事》中有一場對手戲，戲中飾演哥哥嘅情敵「家明表哥」。袁文傑今日喺社交網發長文回憶當時：「這些年來，家明表哥是誰，都有引起一些人興趣，但就在成為家明表哥的那個晚上，這一晚，成了我永不磨滅的回憶⋯⋯知道這晚有Leslie，也要和他同場。到了現場，收到劇本對白，才知，那是一場『對手戲』，也是我的運氣，很開心擔心，畢竟才從訓練班出來不久，但Leslie是我最愛最欣賞的，那晩，我帶了一個旅行袋，內裏卻全是他的寫真集與特刋（刊）⋯⋯」
佢更透露當時哥哥暖心舉動，哥哥除咗幫佢簽名之外，更細心幫佢扣鈕：「面對面，Leslie突像發現了甚麼似的，伸出手，原來幫我扣好未扣得整齊的西裝鈕扣，然後笑笑的送上一句：『你咁點做小生呀』⋯⋯」
----------------------------
東網巨星開咗ig喇，大家快啲follow啦！