見過鬼怕黑！郭子豪唔敢揸車飲酒

早前涉醉駕被捕的藝人郭子豪出席劇集《法證先鋒IV》的煞科宴，他透露現時一切回復正常：「工作正常，心情都平復，會攞番演員嘅專業態度出嚟，大家會見到我係正面嘅模樣同態度。（警方有冇聯絡你？有咩跟進？）件事未必可以評論，我用平常心面對。（公司有冇搵你訓話？）公司一直都畀好多支持同資源我，都想透過呢個機會多謝TVB，我好愚蠢咁犯錯，麻煩咗好多人，經理人都有教我對外同對內要點做。（有冇工作被取消？）暫時未知，但尊重公司安排。」郭子豪坦言今日未有駕車亦不會飲酒：「我依家都少開車，都會有陰影，當係一個應得嘅教訓。今晚都唔會飲酒，希望大家見到我係汲取咗教訓。」