謝賢拍劇收利是:留番將來陪葬!

20190401
東網電視
更多新聞短片
真係識講笑。
四哥謝賢出席劇集《法證先鋒IV》的煞科宴,他自嘲沒記性,加上已是大半年前拍攝該劇,故早已忘了跟誰有對手戲及自己的角色,更搞笑謂連劇名也忘了,他笑言:「淨係記得係同靚女一齊拍。(咁記唔記得有冇收酬?)呢個我記得,只係收咗封利是,我都冇拆,留番將來陪葬。」問他會否考慮再拍戲?他自言一直以來沒有做過其他工作,只懂拍戲:「電影養大我同我全家,(謝)霆鋒都係靠佢(電影)。不過依家好少人搵我拍,因為香港市道唔係咁好。(你收好貴?)我唔收錢,有人搵我就得。我15歲就拍到依家,除咗拍戲都唔識做其他。(搵你同霆鋒父子檔拍戲,肯唔肯?)梗係唔制,畀佢搶晒我鏡頭,我乜都輸畀佢,依家係佢哋嘅世界。」
另外,問他有否見過兩個孫仔?四哥稱明天就會跟孫仔見面:「每次孫仔去霆鋒嗰度,霆鋒就問我去唔去見,大約一個月見一次,不過都只係睇住佢哋玩。」他頑皮地指忘了孫仔的名字。至於有否見過前新抱張栢芝剛生的BB,他坦言完全不知道,並指:「都唔關我哋屋企事。」至於感情生活,四哥笑謂以自己的「貓樣」,沒有人有興趣:「我又難搵佢哋,佢哋又唔吼我。(你要乜條件?)叫佢哋開條件啦!」