擲五位數請食飯　陳煒拍戲冇假放

藝人陳煒出席劇集《法證先鋒IV》的煞科宴，由她自掏腰包筵開十五席，非常有心，她表示：「係想答謝台前幕後工作人員咁辛苦，大家努力咗六個月，希望有好成果，同劇演員冇乜機會撞到。（預幾位數埋單？）五位數，因為餐廳老闆畀咗個好大優惠，最緊要大家食得開心。」問到有否之前拍《宮心計2深宮計》如此辛苦？她坦言：「咁又冇咁辛苦，今次始終係時裝劇。（有冇打鬥場面？）我都有少少動作，有幕畀賊人脅持，我都畀人劃花咗下巴，同扭親尾指，上次《宮心計2深宮計》就冇受傷，但心靈受傷，仲甩咗好多頭髮。」至於拍畢劇集的她可會放假？陳煒透露要為拍攝電影作準備：「不過拍電影嘅時間唔會咁爆，我都要搵啲嘢做去充斥吓時間，要練吓歌同還吓飯債。（會唔會去旅行？）睇吓四月尾得唔得閒先。」