奪金像獎終身成就獎 謝賢:呢行養大我

20190402
東網電視
更多新聞短片
謝賢話永不言休!
在演藝界縱橫逾60年的謝賢(四哥)成為今屆金像獎的終身成就獎得主,四哥接受電話訪問時,對得獎表示十分開心:「係大家畀面,大會畀我就攞。(會點慶祝?)唔使慶祝啦!好多人都攞咗。(通知咗仔仔謝霆鋒同囡囡謝婷婷未?)霆鋒已經知,佢應該會同我慶祝,婷婷就唔喺香港。」
四哥坦言由十多歲入行,沒數過自己有多少部作品,亦沒有對哪部作品特別深刻:「我唔會重睇自己嘅作品,導演派到畀我就做,拍咗咁多年,從來都冇諗過太辛苦唔做,就算拍得攰咪瞓吓囉,我邊度都瞓得着,呢個係我嘅職業,養大我,敬唔敬業我唔知,我做好自己本分,都要交到貨畀人,否則都做唔到咁耐。可以做到咁多年,我已經好滿足,我遇到好多好人,令我喺呢個圈生存到,個個都係好朋友,個個都係我老闆,我唔會扭擰,亦唔會紅咗就恃寵生驕,係個天畀我食呢行飯。」他自言永不言休,但笑言可能大家已睇到厭,加上年紀大,所以參與演出的量會愈來愈少。