鄭希怡拍劇有滿足感　又關個女事？

藝人鄭希怡（Yumiko）剛完成無綫重頭劇《法證先鋒4》的拍攝，因這個劇拍攝了半年，是5個案件來穿成。Yumiko表示：「我就拍咗兩個月，要多謝無綫嘅，知我要湊女，同照顧屋企。而我當然有睇之前嗰幾輯，所以估唔到今次有幸參與到第4輯嘅演出。」

至於Yumiko當年拍過《秀才愛上兵》和《溏心風暴》，她稱現在拍劇與以前分別很大：「以前多廠景，會用三部機去拍，拍一、兩條完咗再拍，依家就轉咗用電影方式逐個鏡頭拍，雖然時間會長咗，但就效果好靚。有自己主場景拍嘅時間自然較長，但其實個個都冇怨言，為效果靚，大家都齊心去做好，呢種精神係幾感動同開心，所以喺煞科宴上面，所有演員都好感動、感慨同開心嘅。」

講到拍劇少時間陪女兒梁浸浸，她謂：「佢開始大個，愈嚟愈多嘢講，佢有話唔想媽咪做嘢，要陪佢多啲，咁我都同佢講道理，會解釋畀佢知，咁唔使開工都會陪佢畫畫，教佢新嘅嘢，時間都安排到嘅。」Yumiko笑言：「其實都都好大滿足感，因為發覺阿女都好黐我，哈哈。」