天倫樂！張頴康麥雅緻帶仔女玩轉主題樂園

藝人張頴康同麥雅緻（Angie）婚後育有一對仔女「小豆」同「小花生」，一家四口樂也融融。近日兩公婆趁放假帶仔女出埠去加州玩，Angie上載一家人去主題樂園遊玩嘅相，並表示天氣好舒服。見爸爸張頴康負責抱住囝囝，Angie就負責湊女，背景仲係藍天白雲兼陽光普照，正到爆！之後Angie再晒出囡囡同樂園公仔嘅合照，兩個仔女更分別着上卡通人物造型服及公主裝影相留念，望落又萌又可愛，相信佢哋一定玩得好開心！