一個月減10磅!羅霖自詡線條出晒嚟

20190403
東網電視
更多新聞短片
羅霖勁弗!
藝人羅霖出席東華三院董事局交代就職晚宴,她透露即將閉關收身:「我要閉關,暫時唔會出席活動,因為要減磅,我8號出發去泰國影靚相,出美容書,教人點樣保養、減肥。我已經一個月減10磅,希望減多2磅,我準備咗好多露腰,貼身衫,三點式。」
現時她實行四管齊下減肥:「我唔食澱粉質、做Gym、做肌、同埋推脂,依家線條出返晒嚟。不過做運動真係做到想死!(本書性感程度?)同上一本書差唔多,上次喺韓國影樓影,今次去泰國有戶外環境,所以影出嚟係健康美!呢本書有朋友贊助,有時間嘅話,都會計劃去埋上海同韓國,所以呢本書可能走三個地方,仲犀利過上次。」講到這本瘦身美容書的成本,她說:「平過上次個本,唔使7位數,希望慳到6至8萬去做善事,慳得就慳!本書遲啲會喺書展出,所以依家好趕,要喺5月前飛晒所有地方。」