《愛回家》兄弟發圍　安仔朱凌凌孖住搵銀

無綫熱播處境劇《愛．回家之開心速遞》捧紅咗唔少演員，除咗一眾情侶檔好似「龔燁熊若水」、「大小姐送水輝」之外，就連兄弟檔一樣備受注目。藝人周嘉洛、吳偉豪飾演嘅「安仔朱凌凌」亦好入屋，佢哋呢對好兄弟形象仲深入民心，就係因為咁，佢哋被廣告商睇中，邀請佢哋拍攝點心廣告，當中梗係繼續飾演一對感情深厚嘅難兄難弟，期間佢哋邊拍邊食，寓工作於娛樂拍得好開心。