【終於知咩係IG】《愛．回家》譚道德做潮人

早前無綫劇《愛．回家之開心速遞》講述四大奢英Rap出宇宙嘅一集成為網上熱話，Rap嘅主題係IG（Instagram），雖然四位主角就話「Hey乜嘢叫做IG我哋唔知」，不過校長「譚道德」陳榮峻就終於知咩係IG喇！

原來佢開咗IG戶口呀，「送水輝」許家傑晒出兩人合照：「譚校長終於知咩野（嘢）係ig」仲叫大家快啲follow校長添！「大小姐」林淑敏都留言：「道德哥已經徹底被攻陷」，網民都大讚校長好潮，仲叫「熊樹根」劉丹、「龍敢威」羅樂林、「馬豹」黎彼得快啲玩埋一份呀！