Yanny當街撩仔兼跳舞　點知...

藝人曾樂彤與組合Super Girls兩位成員Yanny（陳穎欣）同Jessica（蔡明思）老友鬼鬼，三位靚女相約玩室內小型賽車比賽，輸咗嗰位就要大懲罰。結果Yanny不幸輸咗，就要走上街頭主動兜搭陌生男子，但背後要聽從曾樂彤同Jessica指示去講對白。

Yanny搵到目標出擊，就跟住曾樂彤同Jessica指示，問個男仔認唔認得佢，人哋一話唔認得，佢就話自己拍過部戲叫《金陵十一辮》，雖然冇呢部戲，但個男仔就話睇過，真係R晒頭！

跟住Yanny話自己都係歌手，問佢有冇聽過佢首歌《Don't You Wanna Strip Down》，個男仔繼續一頭霧水之際，Yanny施展渾身解數街頭跳舞，企圖勾起男子記憶，可惜都係徒勞無功，真係尷尬。最後Yanny就叫個男仔Add佢Instagram，之後就放咗人哋走。而曾樂彤同Jessica奸計得呈，喺鏡頭背後笑到「咔咔」聲！

網民有話兒

Hoxxxxxxwo:：三個都係女神。

大x隻x明：幾時可以一齊砌車？

可愛教主xx：有冇搞錯yanny都唔識。

美智xx奈良：我都想喺街撞到佢哋呀