爆親熱動作唔科學 阿Sa放入現實會傷身

20190405
東網電視
更多新聞短片
阿Sa現身戲院謝票,與觀眾分享拍攝時的趣事。
藝人蔡卓妍(阿Sa)與談善言、郭奕芯及導演曾翠珊為新片《非分熟女》到戲院進行謝票,原來阿Sa已經走訪了多間戲院,問可會喬裝入場感受觀眾反應?她笑言:「又未試過喎,因為自己都睇咗兩次,咁我都有上網睇留言同影評,大致都唔錯,當然有好評亦有負評,始終會有人鍾意同唔鍾意,但就未有遇上難頂嘅惡評。」
至於睇首映時與男主角吳慷仁坐在一起感到好尷尬,她笑言:「基本上一到有親熱場面,我哋就搵手遮眼唔敢睇,好尷尬呀。(朋友仲話你唔敢睇?)佢哋睇到眼都唔眨呀!」阿Sa亦指身旁的郭奕芯同樣有親熱戲,郭奕芯自言好彩當日有條圍巾可以遮住:「因為得自己一個,聽住自己啲聲好尷尬。(咩聲?)做戲嘅『呼吸透氣』聲,總之大家買飛入去睇就知。」
談善言舞姿大膽
阿Sa表示大家兩場戲都好大膽,不過,談善言的鋼管舞更性感,談善言謂:「兩種不同性感,佢哋係情慾上大膽,我係舞姿上大膽。」而阿Sa坦言經過拍這套戲後,她情願性感都不想拍親熱戲,因實在好辛苦:「啲動作係唔科學,基本上現實生活上係做唔到㗎。(同男友試吓囉?)都話唔科學咯,根本能人所不能嘅動作,要你拗晒身,又對住鏡頭跟本冇可能,impossible(不可能),放入現實生活可能會拗親條腰同頸啦,拍攝時真係差啲拗晒四肢。」
而阿Sa亦替對手吳慷仁叫慘,撞到腳瘀晒。問戲中同樣有跳鋼管舞,那種較傷?阿Sa謂:「兩種唔同,瘀嘅位置唔一樣,鋼管舞係會瘀大髀內側,而唔科學動作係外側比較多,所以,係好辛苦。(男友呵番?)得㗎喇,我有自我修復工能嘛。」