誰是豬隊友？漢洋孖李霖恩玩密室逃脫

歌手漢洋近日與李霖恩同埋佢哋一對仔女、導演郭海誠，齊齊去玩密室逃脫，首次玩呢個遊戲嘅佢，話原來真係唔容易，他說：「我哋係比原定時間over咗少少，但最終都成功逃出嘅！咁我作用梗係冇用啦，因為我都唔係主力，要動腦筋我真係搞唔掂，我真係好唔叻。」

不過佢就爆李霖恩同埋一對子女真係好勁：「主力都係佢哋一對仔女玩，李霖恩真係好醒，佢好快就解到，而佢對仔女又係成日玩，所以玩慣玩熟。」漢洋又話今次玩呢個密室係中上至高級程度，所以下次希望可以玩個簡單啲嘅。