【麻甩的浪漫】蕭正楠曹永廉佬味照機場

恩愛夫妻蕭正楠與黃翠如結婚近一年，佢哋一直都有個公開「小三」曹永廉，不過「三人行」又出奇地和諧，真係令男士們既羨慕又妒忌。今次蕭正楠就孖實「小三」出遊，事關佢哋要出發去新加坡開老廉蕭show，光明正大拍住拖出Trip～

兩個麻甩佬，等飛機等Boarding有乜做好？梗係嚟個佬味寫真Kill一Kill時間，見佢哋齊齊戴上情侶太陽眼鏡兼默契托腮，真係甜到漏，之後曹永廉又幫蕭正楠影張「小三的視角」，將蕭正楠嘅佬味發揮得淋漓盡致，180cm嘅身高影出150cm嘅效果，果然係情人眼裏出西施，今Round仲唔係佬光照機場，行過路過咪錯過呀～～