仔仔鍾意睇戲！張繼聰：可能畀佢做我助手

藝人張繼聰（阿聰）、張建聲和蘇宸褕（灰熊）到青衣為電影《P風暴》謝票，電影在香港上映3日突破400萬票房，在內地票房已有2.29億人民幣，眾演員大表興奮，阿聰透露已跟太太謝安琪（Kay）和仔仔張瞻入場欣賞，他表示Kay睇得很開心，囝囝則很緊張：「我喺戲入面係咁畀人折磨，個仔問我有冇事，我話梗係有啦！快啲孝順啲！」他又指很高興兒子愈來愈喜歡欣賞電影，覺得新一代除了玩電腦，亦要培養藝術，問會否帶兒子入行？他說：「大個啲先算，或者帶佢去片場做我助手，睇我哋拍戲幾辛苦，我跟番市價畀最低工資佢，希望佢有概念，做演員係一份工作，明星唔係。」

對於電影系列將拍第五集，阿聰表示電影公司有向他度期，直言非常開心。阿聰又指很高興今次跟很多好戲之人合作，笑言第一次跟古天樂有對手戲，起初也感到戰戰兢競，問到對方是否太Cool？他說：「我開頭都係叫佢古生、古老闆，但我哋片中好Friend，所以要培養吓，佢好Nice，搭我膊頭叫我叫佢做古仔啦！我心諗咪冇大冇細？佢話個個都係咁叫，再叫我古生就打你！」