《愛.回家》王朝喪吸粉絲 保安當正同業

20190407
東網電視
更多新聞短片
「王朝」莫家淦憑《愛.回家》人氣上升,仲吸咗唔少粉絲添!
無綫處境劇《愛.回家之開心速遞》長做長有,入面多個角色都勁入屋,好似最近開始有感情線發展嘅「鐵面陳」王致狄(Andy)深受觀眾喜愛之餘,仲帶挈埋同為「威龍保安」嘅好友「王朝」莫家淦(Keith)齊齊人氣上升,唔只大人,細路仔都好鍾意添!
Keith喺Instagram同一位小朋友合照,點知原來對方係「鐵面陳」嘅粉絲,不過Keith未有介意,仲笑言:「有個小朋友話好鍾意《愛.回家》個鐵面陳,所以勉為其難搵我呢位下屬王朝影張合照先…」而Andy當然有畀like啦!
除咗有小朋友粉絲,Keith更憑角色進軍埋保安界:「依家出出入入都有好多唔同大廈嘅保安主動同我打招呼,仲當正我真係佢哋同行咁,個感覺好親切。」佢又提到太太正專心養胎,所以依家一唔使開工就幫手照顧囝囝,日前佢哋就去咗玩攤位活動,兩仔爺仲齊齊變成「花面貓」,相當搞笑。