女神行山團！連詩雅Bra Top撼翠如陳自瑤

無綫新劇《致所有愛過的人》依家拍攝得如火如荼，當中參演嘅黃翠如、陳自瑤（Yoyo）、連詩雅及馬貫東就因為一套劇而成為好友，仲會私下約出街gathering，原來佢哋呢排自己組咗個行山團 --「致所有愛行山的人」，尋日趁住天氣晴朗，佢哋四個就齊齊去咗行山，馬貫東就變咗隨團攝影師，幫三位女神影寫真添。

去得行山，天氣仲要咁熱，幾位女神就自然着得疏爽，就好似連詩雅咁，行吓行吓佢就索性除咗身上嘅跌膊白T，改以Sport Top上陣，即刻令人眼前一亮，仲唔小心揮低埋着住貼身背心仔嘅Yoyo同包到冚嘅翠如，加埋馬貫東呢個攝影達人，幫三位女神操刀影寫真，呢個Summer真係夠晒Fresh～