單拖出騷勁緊張！Aka突然失憶搞氣氛執生
20190408
東網電視
更多新聞短片
Aka話冇隊友一齊出騷特別緊張。
女子組合Super Girls（SG）隊長趙慧珊（Aka）日前獲邀出席推廣公司的發布活動，獻唱了多首歌曲，她直言首次在停車場以推廣車作為表演場地，感覺相當新鮮，講到最近頻頻「賣甩」隊員以個人身份出騷，她直言各有各好，但每次獨自出騷都要打醒十二分精神：「以前台上講嘢會有人和應，依家自己一個係緊張好多，個腦要轉得快啲。」並指其新歌《你在聽嗎？》相當難唱，每次騷前都要準備兩小時，比SG一齊出騷準備更久：「不過係幫到我好大嘅成長。」
Aka又指期間因出現小意外，要跟台下觀眾傾偈幾分鐘拉布，甚考急才：「其中一個老闆都有上台幫我解圍，現場氣氛好好！最搞笑係我之前去完英國，返到嚟突然唔記得歌名，係『你在聽嗎？』定係『我在聽嗎？』呢？講咗幾次，搞到大家都笑晒！到我唱歌時，觀眾反應都好好，口郁郁一齊唱又有拍手，對我係好好嘅鼓勵！」
----------------------------
東網巨星開咗ig喇，大家快啲follow啦！