切除胸前腫瘤 潘玲玲學識接受不完美身體

2019年04月08日 02:54
東網電視
更多新聞短片
然發現有腫瘤真係好難面對。

模特兒潘玲玲(Bella)在大學就讀時已是模特兒,曾拍攝硬照、MV、微電影,亦曾擔任ViuTV節目嘉實,現為NowTV收費電視台主持,擁有靚靚外表及性格樂觀的她去年底發生巨變,只得20出頭卻驗出胸前有腫瘤,最終完成兩次手術切除腫瘤,再休養一段時間,現時總算康復。

患病期間無論生理心理絕對是折磨,Bella直言是人生一次重大打擊,每日以淚洗面,但亦叫她變得更堅強,對人生有所啟發:「畢業後我一直主張『身體自愛』,鼓勵人們接納同擁抱自己嘅身體,無論身體係點,都深信每個女生都係美麗嘅,做Model時已經有呢個感覺,尤其香港人對『美』嘅標準好單一,有Model公司曾經明示暗示我做一啲整形手術,但我堅持唔做,可能會少咗工作,但覺得係啱。到我身體出事,我一開始都好難接受自己要做呢個手術,好多人好難接受人嘅不完美,但依家我睇得更闊,希望自己嘅個人經歷同興趣可以感染身邊嘅人,手術後覺得快樂先係最重要,所以對於未來唯一計劃係做自己喜歡嘅事,做自己喜歡嘅自己!」她表示未來會嘗試多方面發展,例如做香薰治療師、演員、YouTuber及繼續做Model等,希望可以宣揚正能量。