出蠱惑！吳謹言用呢招防再次飛甩戒指

憑宮廷劇《延禧攻略》爆紅嘅內地女星吳謹言出名瘦，早前佢出席活動時，因為手指太幼戴唔穩戒指，喺揮手嘅時候成隻戒指飛咗出嚟，場面好搞笑！呢日佢出席活動時，又繼續不停揮手，不過手中嘅戒指就冇飛出嚟，睇真啲唔係隻戒指啱戴，而係佢用張膠紙黐實隻戒指喺手指度，雖然搞到有啲奇怪，不過都不失為一個好辦法！