3個助手補妝　麥明詩參加好友大婚誤搶Fo

藝人麥明詩（Louisa）感情一直未有着落，不過身邊嘅朋友陸續結婚，尋日圈外好友大婚之日，一向有義氣嘅Louisa一於反傳統，唔做伴娘改做伴郎！佢着上吊帶西裝，配上白色尖頭高踭鞋，型格十足！

Louisa仲拖住花仔花女行紅地氈，入場之前，足足有三個助手幫佢補妝，唔講仲以為佢係新郎添！佢其後喺社交網都笑稱：「我以為我自己結婚！」好多網民都借機叫佢都快啲搵番個真命天子。